jueves, 11 de enero de 2018

I CONCURSO DE FOTOGRAFÍA MATEMÁTICA


BASES:


1. Participantes.
Poderá participar o alumnado do IES Adormideras, en fase de concurso, e os demais membros da comunidade educativa, en fase de exposición.

2. Tema.
O tema das fotografías deberá estar relacionado co mundo das matemáticas nas súas múltiples manifestacións (figuras xeométricas, mosaicos, simetrías, cálculo numérico, estatística e azar, etc.).
As fotografías deberán ser orixinais e levar un título que faga referencia ao contido matemático.

3. Formato
As fotografías presentaranse en papel fotográfico cun tamaño mínimo de 15 cm e máximo de 25 en calquera dos seus lados

4. Entrega de fotografías.
As fotografías deben levar polo reverso o título e pseudónimo do participante. O título debe estar escrito en galego.
Introduciranse nun sobre xunto cun impreso de participación cuberto que se atopa en conserxería. No exterior do sobre irá o pseudónimo do autor ou autora.

Terán que enviarse tamén por correo electrónico en formato JPG á dirección
mateadormideras@gmail.com

5. Recollida.
En conserxería.

6.Prazos.
Ata o venres 9 de Febreiro ás 12:00 horas.

7. Premios. 
Premiaranse 2 categorías: ESO e Bacharelato
As fotografías presentadas polo alumnado serán avaliadas polos membros dos Departamentos de Matemáticas, Debuxo e Normalización. Teranse en conta para conceder os premios a calidade da fotografía e o contido matemático do título.


  • 1º premio Libros, discos, material informático ou deportivo ata un máximo de 50 €
  • 2º premio Libros, discos, material informático ou deportivo ata un máximo de 30 €

Un mesmo alumno ou alumna non poderá acadar máis dun premio. O premio poderá quedar deserto. O fallo do xurado é inapelable.

8. Uso das imaxes.
O IES Adormideras resérvase o dereito a utilizar as fotografías presentadas. 

exemplo